കനത്ത മഴ തുടരുന്ന സാഹചര്യത്തില് അഞ്ചു ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി. മലപ്പുറം, കണ്ണൂര്, വയനാട്, തൃശൂര്, കാസര്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് തിങ്കളാഴ്ച അവധി പ്രഖ്യാപിച്ചത്. പ്രഫഷനല് കോളജുകള്, അങ്കണവാടികള്, നഴ്സറികള്, ട്യൂഷന് സെന്ററുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
തൃശൂര് ജില്ലയില് മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കില്ല. വയനാട് ജില്ലയില് റെഡ് അലര്ട്ടും കാസര്കോട് ജില്ലയില് റെഡ് അലര്ട്ടും തൃശൂര് ജില്ലയില് ഓറഞ്ച് അലര്ട്ടും നിലനില്ക്കുന്ന സാഹചര്യത്തിലാണ് അവധി. വടക്കന് കേരളത്തില് അതിതീവ്രമഴ മുന്നറിയിപ്പ് നല്കി. വരും ദിവസങ്ങളില് മഴ കനക്കുമെന്നാണ് മുന്നറിയിപ്പ്.
വയനാട് ജില്ലയിലെ റസിഡന്ഷ്യല് സ്കൂളുകള്ക്കും റസിഡന്ഷ്യല് കോളേജുകള്ക്കും അവധി ബാധകമല്ലെന്ന് കലക്ടര് അറിയിച്ചു. കണ്ണൂര് ജില്ലയില് ശക്തമായ മഴ കാരണം റെഡ് അലര്ട്ട് പ്രഖ്യാപിച്ച സാഹചര്യത്തില് കണ്ണൂര് ജില്ലയിലെ സ്കൂളുകള്, അങ്കണവാടികള്, മതപഠന സ്ഥാപനങ്ങള്, ട്യൂഷന് സെന്ററുകള് എന്നിവക്ക് തിങ്കളാഴ്ച ജില്ല കലക്ടര് അവധി പ്രഖ്യാപിച്ചു.
About the Author
