പ്രൊഡ്യൂസേഴ്സ് അസോസിയേഷന് തിരഞ്ഞെടുപ്പില് നാമനിര്ദ്ദേശപത്രിക തള്ളിയതിനെതിരെ കോടതിയെ സമീപിക്കാനൊരുങ്ങി നിര്മ്മാതാവ് സാന്ദ്ര തോമസ്. എറണാകുളം സബ് കോടതിയിലാണ് ഹര്ജി സമര്പ്പിക്കുക. പ്രസിഡന്റ് സ്ഥാനത്തേക്കും ട്രഷറര് സ്ഥാനത്തേക്കുമുള്ള സാന്ദ്ര തോമസിന്റെ പത്രിക സാങ്കേതിക കാരണങ്ങള് ചൂണ്ടിക്കാട്ടി തള്ളിയിരുന്നു. ഇതിനെതിരെ സാന്ദ്ര തോമസ് ശക്തമായി പ്രതിഷേധിച്ചിരുന്നു.
പ്രൊഡ്യൂസേഴ്സ് അസോസിയേഷിലെ മറ്റ് അംഗങ്ങളുമായി വാക്കേറ്റവും ബഹളവും ഉണ്ടായി. തന്നോട് കാണിച്ചത് അനീതിയാണെന്നും ഗൂഢാലോചനയുടെ ഭാഗമാണെന്നും സാന്ദ്ര പ്രതികരിച്ചു. ഈ മാസം 14നാണ് പ്രൊഡ്യൂസേഴ്സ് അസോസിയേഷന് തിരഞ്ഞെടുപ്പ്. സാന്ദ്രാ തോമസ് കഴിഞ്ഞ ദിവസമാണ് നാമനിര്ദ്ദേശ പത്രിക നല്കിയത്.
നിര്മാതാവ് എന്ന നിലയില് സ്വതന്ത്രമായി മൂന്ന് സിനിമകളുടെ സെന്സര് സര്ട്ടിഫിക്കറ്റ് വേണം എന്നായിരുന്നു വരണാധികാരിയുടെ നിലപാട്. ഒമ്പത് സിനിമകള് നിര്മിച്ചയാളാണ് താനെന്നും ഫ്രൈഡേ ഫിലിംസുമായി സഹകരിച്ച് ഏഴുസിനിമകളും സ്വന്തം ബാനറില് രണ്ടുസിനിമകളും നിര്മിച്ചെന്നും സാന്ദ്ര വരണാധികാരികള്ക്ക് മുന്നില് സാന്ദ്ര വ്യക്തമാക്കി.
About the Author
