കോതമംഗലത്ത് 23 കാരി ജീവനൊടുക്കിയ കേസില് പ്രതി റമീസിന്റെ മാതാപിതാക്കള്ക്കും പങ്ക്. ഇവരെ ഇന്ന് കസ്റ്റഡിയിലെടുക്കും. ചോദ്യം ചെയ്തശേഷം അറസ്റ്റ് രേഖപ്പെടുത്താനാണ് പ്രത്യേക അന്വേഷണ സംഘത്തിന്റെ തീരുമാനം. പെണ്കുട്ടി ആത്മഹത്യയിലേത്ത് എത്തിച്ചേരാന് റമീസ് മാനസികമായി സമ്മര്ദം ചെലുത്തിയെന്നും പൊലീസ് പറയുന്നു
പെണ്കുട്ടിയുടെ സഹോദരന്റെയും അമ്മയുടെയും ആശുപത്രിയിലേക്ക് കൊണ്ടുപോയ ഓട്ടോ ഡ്രൈവറുടെയും വിശദമായ മൊഴി അന്വേഷണസംഘം കഴിഞ്ഞദിവസം രേഖപ്പെടുത്തിയിരുന്നു. പെണ്കുട്ടി റമീസിന്റെ വീട്ടിലെത്തിയപ്പോള് അവിടെ ഉണ്ടായിരുന്നവരെയും ചോദ്യം ചെയ്യും.
റമീസ് തര്ക്കമുണ്ടാക്കിയതിന് പെണ്കുട്ടിയുടെ മൊബൈല് ഫോണില് നിന്നും പൊലീസിന് തെളിവുകള് ലഭിച്ചിട്ടുണ്ട്. റിമാന്ഡിലുള്ള റമീസിനെ ഇന്ന് കസ്റ്റഡിയില് വാങ്ങി ആലുവയിലെ വീട്ടിലെത്തിച്ചും തെളിവെടുക്കും.
Comments
About the Author
