വയനാട്ടിലെ പൂക്കോട് വെറ്ററിനറി സര്വകലാശാലയില് വിദ്യാര്ഥി ജെ എസ് സിദ്ധാര്ത്ഥന് ജീവനൊടുക്കിയ സംഭവത്തില് പ്രതികളായ 19 വിദ്യാര്ഥികള്ക്കെതിരെ നടപടി. പത്തൊന്പത് വിദ്യാര്ഥികളെ കേരള വെറ്ററിനറി സര്വകലാശാല പുറത്താക്കി. പത്തൊന്പത് വിദ്യാര്ഥികളും കുറ്റക്കാരാണെന്ന് അന്വേഷണത്തില് കണ്ടെത്തിയിരുന്നു.
സിദ്ധാര്ത്ഥന്റെ അമ്മ എം ആര് ഷീബ നല്കിയ ഹര്ജിയില് വിദ്യാര്ഥികള്ക്കെതിരെ സ്വീകരിച്ച നടപടി വെറ്ററിനറി സര്വകലാശാല ഹൈക്കോടതിയെ അറിയിച്ചു. 19 പേര്ക്ക് മറ്റ് ക്യാമ്പസുകളില് പ്രവേശനം നല്കിയത് ചോദ്യം ചെയ്തുള്ള ഹര്ജിയും തീര്പ്പാക്കി.
2024 ഫെബ്രുവരി 18നാണ് പൂക്കോട് വെറ്ററിനറി സര്വകലാശാലയിലെ രണ്ടാം വര്ഷ ബിവിഎസ്സി വിദ്യാര്ഥിയും തിരുവനന്തപുരം സ്വദേശിയുമായ ജെ എസ് സിദ്ധാര്ത്ഥനെ താമസ സ്ഥലത്തെ ശുചിമുറിയില് ജീവനൊടുക്കിയ നിലയില് കണ്ടെത്തിയത്. മരിക്കുന്നതിന് ദിവസങ്ങള്ക്ക് മുന്പ് സിദ്ധാര്ത്ഥന് സഹപാഠികളുടെ അതിക്രൂര റാഗിങിന് ഇരയായിരുന്നു.
About the Author
