കോഴിക്കോട് പ്രായപൂര്ത്തിയാകാത്ത ആണ്കുട്ടികളെ ലക്ഷ്യമിട്ട് പ്രവര്ത്തിക്കുന്ന വലിയൊരു ലൈംഗിക ചൂഷണ മാഫിയ കേരളത്തിലെ വിവിധ ജില്ലകളില് സജീവമാണെന്ന വിവരം പുറത്തുവന്നു. കോഴിക്കോട്, മലപ്പുറം, കണ്ണൂര് ജില്ലകളിലാണ് ഇത്തരം സംഘങ്ങളുടെ ശക്തമായ ഇടപെടല് കാണുന്നത്.
മൊബൈല് ആപ്ലിക്കേഷന് വഴിയാണ് ഇരകളെ കണ്ടെത്തുന്നതും കുടുക്കുന്നതും. പ്രത്യേകിച്ച് ഗ്രൈന്ഡര് ഡേറ്റിംഗ് ആപ്പിലൂടെയാണ് കുട്ടികളുമായി ബന്ധപ്പെടുന്നത്. ആദ്യം സൗഹൃദം സ്ഥാപിച്ച് പിന്നീട് പ്രകൃതിവിരുദ്ധ ബന്ധത്തിന് നിര്ബന്ധിപ്പിക്കുകയും, വഴങ്ങാത്തവര്ക്ക് പണം വാഗ്ദാനം ചെയ്യുകയും ചെയ്യുന്ന രീതിയാണ് ഇവരുടെത്.
ചൂഷണത്തിന് ഇരയായാല് കുട്ടികളെ ലൈംഗികബന്ധത്തിനൊപ്പം ലഹരിവില്പ്പനയ്ക്കുള്ള കാരിയറായി പോലും ഉപയോഗിക്കുന്നുവെന്നതാണ് ഏറ്റവും ഭീതിജനകം.
ചെറിയ ആണ്കുട്ടികളെ ലൈംഗികആവശ്യത്തിനായി തേടുന്നയാളും ഇരയും തമ്മിലുള്ള ഫോണ് സംഭാഷണം ഇപ്പോള് പുറത്തായിട്ടുണ്ട് പ്രായപൂര്ത്തിയായിട്ടില്ലെന്ന് കുട്ടി പറയുന്നതും തനിക്ക് പ്രായപൂര്ത്തിയാകാത്തവരെയാണ് തനിക്കിഷ്ടമെന്ന് ഇരയെ തേടുന്നയാള് പറയുന്നു, ആയിരം രൂപ ഇപ്പോള് തരാമെന്നും ആവശ്യമുള്ളപ്പോഴെല്ലാം ഗൂഗിള് പേ വഴി പണമയക്കാമെന്നും ഇയാള് കുട്ടിയോട് പറയുന്നു.
About the Author
