വോട്ടര്‍ പട്ടിക തട്ടിപ്പിനും അസം കുടിയൊഴിപ്പിക്കലിനുമെതിരെ ഡല്‍ഹി ജന്തര്‍ മന്ദറില്‍ സെപ്തംബര്‍ 11ന് യൂത്ത് ലീഗ് ലോക് തന്ത്ര് സംരക്ഷണ്‍ മാര്‍ച്ച്‌

തെരഞ്ഞെടുപ്പ് കമ്മീഷന്റെ മൗന സമ്മതത്തോടെ രാജ്യ വ്യാപകമായി നടക്കുന്ന വോട്ടർ പട്ടിക തട്ടിപ്പിനും അസമിൽ മുസ്‌ലിം ജന വിഭാഗങ്ങൾക്ക് നേരെയുള്ള കൂട്ട കുടിയൊഴിപ്പിക്കലിനുമെ തിരെ സെപ്റ്റംബർ 11ന് ഡൽഹി ജന്ദർ മന്തറിൽ ലോക്തന്ത്ര് സംരക്ഷൺ മാർച്ച്‌ സംഘടിപ്പിക്കാൻ മുസ്‌ലിം ലീഗ് ദേശീയ ആസ്ഥാനമായ ഖാഇദേ മില്ലത് സെന്ററിൽ ചേർന്ന യൂത്ത് ലീഗ് ദേശീയ എക്സിക്യൂട്ടീവ് യോഗം തീരുമാനിച്ചു. ഉത്തരേന്ത്യൻ സംസ്ഥാനങ്ങളിൽ നിന്നുള്ള യൂത്ത് ലീഗ് പ്രവർത്തകരാണ് ലോക്തന്ത്ര് സംരക്ഷൺ മാർച്ചിൽ പങ്കെടുക്കുക. മുസ്‌ലിം ലീഗ് നേതാക്കളും എംപിമാരും ഇന്ത്യ മുന്നണി നേതാക്കളും അഭിവാദ്യം ചെയ്യും.