പത്തനംതിട്ട: സംസ്ഥാനത്ത് വീണ്ടും പേവിഷബാധ മൂലം മരണം റിപ്പോര്ട്ട് ചെയ്തു. പത്തനംതിട്ട സ്വദേശിനിയായ 65 കാരി കൃഷ്ണമ്മയാണ് കോട്ടയം മെഡിക്കല് കോളജില് ചികിത്സയ്ക്കിടെ അന്തരിച്ചത്.
കഴിഞ്ഞ മാസം 4-ാം തീയതി കൃഷ്ണമ്മയെ തെരുവ് നായ കടിയേറ്റിരുന്നു. ഉടന് തന്നെ പത്തനംതിട്ട ജനറല് ആശുപത്രിയില് നിന്ന് പ്രതിരോധ വാക്സിന് സ്വീകരിച്ചിരുന്നെങ്കിലും, നായയെ പിന്നീട് ചത്ത നിലയില് കണ്ടെത്തുകയായിരുന്നു. തുടര്ന്ന് ആരോഗ്യസ്ഥിതി വഷളായതോടെ മെഡിക്കല് കോളജില് ചികിത്സ തേടിയെങ്കിലും ജീവന് രക്ഷിക്കാനായില്ല.
സംസ്ഥാനത്ത് പേവിഷബാധ മൂലമുള്ള മരണങ്ങള് ഉയരുകയാണ്. സര്ക്കാര് ഹൈക്കോടതിയില് സമര്പ്പിച്ച കണക്കുകള് പ്രകാരം, ഈ വര്ഷം ജൂലൈ വരെ മാത്രം 23 പേര് മരണം സംഭവിച്ചിട്ടുണ്ട്. കഴിഞ്ഞ വര്ഷത്തേക്കാള് മരണസംഖ്യയില് വലിയ വര്ധനവ് ഉണ്ടായതായി കണക്കുകള് സൂചിപ്പിക്കുന്നു.
Comments
About the Author
