പാലക്കാട് വധശ്രമകേസിലെ പ്രതിയെ വീടിന്റെ മച്ചില് നിന്ന് പൊലീസ് പിടിക്കൂടി. പാലക്കാട് തൃത്താലയിലാണ് സംഭവം നടന്നത്.
കപ്പൂര് കാഞ്ഞിരത്താണി സ്വദേശി സുല്ത്താന് റാഫിയെയാണ് തൃത്താല പൊലീസ് പിടിക്കൂടിയത്. ഞാങ്ങാട്ടിരിയില് വച്ച് യുവാക്കളെ മര്ദ്ദിച്ച സംഭവത്തില് വധശ്രമത്തിന് സുല്ത്താന് റാഫിക്കെതിരെ പൊലീസ് കെസെടുത്തിരുന്നു.
ആക്രമണത്തിന് ശേഷം ഒളിവില് പോയ സുല്ത്താനെ കണ്ടെത്താന് പൊലീസ് അനേഷണം ആരംഭിച്ചിരുന്നു. ഇന്നലെ വീടിന്റെ മച്ചില് ഒളിച്ചിരുന്ന സുല്ത്താന് റാഫിയെ കുറിച്ച് പോലീസിന് വിവരം ലഭിക്കുകയും തുടര്ന്നുള്ള പരിശോധനയില് പൊലീസ് പ്രതിയെ പിടിക്കൂടുകയും ചെയ്തു.
Comments
About the Author
