കൊല്ലം തേവലക്കര ബോയ്സ് ഹൈസ്കൂളില് ഷോക്കേറ്റ് മരിച്ച വിദ്യാര്ഥി മിഥുനെ അവസാനമായി കാണാന് സ്കൂള് മുറ്റത്ത് ഇരച്ചെത്തിയത് ആയിരങ്ങള്. സ്കൂളിലെ പൊതുദര്ശനം പൂര്ത്തിയാക്കി മൃതദേഹം അല്പസമയത്തിനുള്ളില് വിലാപയാത്രയായി ശാസ്താംകോട്ട വിളന്തറയിലെ വീട്ടിലെത്തിക്കും. ഇന്ന് വൈകിട്ട് അഞ്ച് മണിയോടെ വീട്ടുവളപ്പില് മിഥുന്റെ സംസ്കാരം നടക്കും. വിദേശത്തായിരുന്ന അമ്മ സുജ രാവിലെ നാട്ടിലെത്തിയിരുന്നു.
സ്കൂളിലെ സൈക്കിള് ഷെഡിന് മുകളില് വീണ ചെരുപ്പെടുക്കാന് കയറിയപ്പോഴാണ് മിഥുന് മനു (13) ഷോക്കേറ്റ് മരിച്ചത്. തറയില് നിന്ന് ലൈനിലേക്കും സൈക്കിള് ഷെഡിലേക്കും സുരക്ഷാ അകലം പാലിച്ചിട്ടില്ലെന്നും പ്രാഥമിക അന്വേഷണത്തില് കണ്ടെത്തിയിരുന്നു. പിന്നാലെ സ്കൂള് മാനേജ്മെന്റ് കമ്മിറ്റിക്ക് വീഴ്ച്ചയുണ്ടായെന്ന് വൈദ്യുത വകുപ്പിന്റെ പ്രാഥമിക അന്വേഷണ റിപ്പോര്ട്ട് പുറത്തുവിട്ടിരുന്നു.
About the Author
