വടകര ആയഞ്ചേരിയിലെ വള്ള്യാട് ഞാലിമുക്കില്, ഇലക്ട്രിക് പോസ്റ്റിനടുത്ത് 95 ഗ്രാം മെത്തഫിറ്റമിന് ഉപേക്ഷിക്കപ്പെട്ട നിലയില് കണ്ടെത്തി. ബൈക്കില് യാത്ര ചെയ്ത ഒരാള് ഒരു പൊതി എറിഞ്ഞ്, മൊബൈല് ഫോണില് ചിത്രമെടുത്ത് മടങ്ങുന്നതായി കണ്ട നാട്ടുകാരനാണ് എക്സൈസിനെ വിവരം അറിയിച്ചത്.
എക്സൈസ് സംഘം സ്ഥലത്തെത്തി പൊതിയിലുള്ളത് മെത്തഫിറ്റമിനാണെന്ന് സ്ഥിരീകരിച്ചു. ‘ഡ്രോപ്പ്-ഇന്’ രീതിയില് ലഹരി കൈമാറ്റ ശ്രമമാണെന്നാണ് പ്രാഥമിക സംശയം. സംഭവത്തില് കേസ് രജിസ്റ്റര് ചെയ്ത് പൊലീസ് അന്വേഷണം ആരംഭിച്ചു.
അതേസമയം, പാലക്കാട് മണ്ണാര്ക്കാട് പൊലീസ്, എംഡിഎംഎ കൈവശം വെച്ചതിനായി രണ്ട് യുവാക്കളെ അറസ്റ്റ് ചെയ്തു. മുതുകുറുശ്ശി സ്വദേശി ഷബീര് (28)യും കരിമ്പ സ്വദേശി അമല് ഷാജി (22)യും പിടിയിലായത്. വാഹന പരിശോധനയ്ക്കിടെ അവരുടെ കാറില് നിന്ന് അഞ്ച് ഗ്രാം എംഡിഎംഎ കണ്ടെത്തുകയായിരുന്നു.
Comments
About the Author
