ദുല്ഖര് സല്മാന്റെ വേഫെറര് ഫിലിംസ് നിര്മ്മിച്ച ‘ലോക ചാപ്റ്റര് വണ്:ചന്ദ്ര’ സിനിമ കളക്ഷന് റെക്കോര്ഡില് മുമ്പില്. 7 ദിവസം കൊണ്ട് 101 കോടിയാണ് ചിത്രം നേടിയത്. തെന്നിന്ത്യയില് തന്നെ നായികാ പ്രാധാന്യമുള്ള ഒരു ചിത്രം നേടുന്ന ഏറ്റവും വലിയ കളക്ഷന് ആണ് ഇതിലൂടെ ‘ലോക’ സ്വന്തമാക്കിയത്.
കല്യാണി പ്രിയദര്ശന്, നസ്ലന് എന്നിവര് പ്രധാന വേഷങ്ങളിലത്തുന്ന ചിത്രത്തിന്റെ തിരക്കഥയും സംവിധാനവും നിര്വഹിച്ചിരിക്കുന്നത് ഡൊമിനിക് അരുണ് ആണ്. ചിത്രത്തിന്റെ തെലുങ്ക്, തമിഴ് പതിപ്പുകളും ട്രെന്ഡിങ് ആയിരിക്കുകയാണ്. ചിത്രത്തിന്റെ ഹിന്ദി പതിപ്പ് സെപ്റ്റംബര് നാലിന് റിലീസ് ചെയ്യും. കേരളത്തില് ഇപ്പോള് ദിവസേന 1400 ഓളം ഷോകളാണ് ചിത്രം പ്രദര്ശിപ്പിക്കുന്നത്.
ചന്ദ്ര എന്ന ടൈറ്റില് കഥാപാത്രമായി കല്യാണി പ്രിയദര്ശന് ഗംഭീര പ്രകടനമാണ് കാഴ്ചവെച്ചത്. നസ്ലന്, സാന്ഡി എന്നിവരും ചിത്രത്തില് മികച്ച പ്രകടനം കാഴ്ച വെച്ചിട്ടുണ്ട്. ചന്തു സലിംകുമാര്, അരുണ് കുര്യന്, ശരത് സഭ, നിഷാന്ത് സാഗര്, വിജയരാഘവന് എന്നിവരും ചിത്രത്തിന്റെ താരനിരയിലുണ്ട്. ചിത്രത്തിലെ വമ്പന് കാമിയോ റോളുകളും സൂപ്പര് ഹിറ്റാണ്.
തമിഴില് എ ജി എസ് സിനിമാസ്, കര്ണാടകയില് ലൈറ്റര് ബുദ്ധ ഫിലിംസ്, നോര്ത്ത് ഇന്ത്യയില് പെന് മരുധാര്, തെലുങ്കില് സിതാര എന്റെര്റ്റൈന്മെന്റ്സ് എന്നിവരാണ് ചിത്രം വിതരണം ചെയ്തത്.
ഛായാഗ്രഹണം -നിമിഷ് രവി, സംഗീതം ജേക്സ് ബിജോയ്, എഡിറ്റര് ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്ഗീസ്, ബിബിന് പെരുമ്പള്ളി, അഡീഷണല് തിരക്കഥ-ശാന്തി ബാലചന്ദ്രന്, പ്രൊഡക്ഷന് ഡിസൈനര്-ബംഗ്ലാന് , കലാസംവിധായകന്-ജിത്തു സെബാസ്റ്റ്യന്, മേക്കപ്പ് റൊണക്സ് സേവ്യര്, കോസ്റ്റ്യൂം ഡിസൈനര്-മെല്വി ജെ, അര്ച്ചന റാവു, സ്റ്റില്സ്- രോഹിത് കെ സുരേഷ്, അമല് കെ സദര്, ആക്ഷന് കൊറിയോഗ്രാഫര്- യാനിക്ക് ബെന്, പ്രൊഡക്ഷന് കണ്ട്രോളര് റിനി ദിവാകര്, വിനോഷ് കൈമള്, ചീഫ് അസോസിയേറ്റ്-സുജിത്ത് സുരേഷ്.
About the Author
