എഡിജിപി എം.ആര് അജിത് കുമാറിനിനെതിരായ അനധികൃത സ്വത്ത് സമ്പാദന കേസില്, ക്ലീന് ചിറ്റ് നല്കികൊണ്ടുള്ള റിപ്പോര്ട്ട് തള്ളി കോടതി. വിജിലന്സ് ശരിയായ അന്വേഷണം നടത്തിയിട്ടില്ലെന്നും തിരുവനന്തപുരം വിജിലന്സ് പ്രത്യേക കോടതി വിമര്ശിച്ചു. സംഭവം തിരുവനന്തപുരം വിജിലന്സ് പ്രത്യേക കോടതി നേരിട്ട് അന്വേഷിക്കും. വിജിലന്സിന്റെ റിപ്പോര്ട്ട് തള്ളണമെന്ന് ആവശ്യപ്പെട്ട് അഡ്വക്കറ്റ് നാഗരാജാണ് കോടതിയെ സമീപിച്ചത്.
അന്വേഷണ റിപ്പോര്ട്ടില് വ്യക്തയില്ലെന്ന് ചൂണിക്കാട്ടി അജിത് കുമാറിന് ക്ലീന് ചീറ്റ് നല്കിയ വിജിലന്സ് റിപ്പോര്ട്ട് ഡയറക്ടര് നേരത്തെ മടക്കിയിരുന്നു. അന്വേഷണ ഉദ്യോഗസ്ഥനോട് വിജിലന്സ് ഡയറക്ടര്ക്ക് മുന്പാകെ ഹാജരാകാനും നിര്ദേശം നല്കിയിരുന്നു.
തിരുവനന്തപുരം നഗരത്തില് ആസംബര വീട് നിര്മ്മിക്കുന്നത് അഴിമതി പണം ഉപയോഗിച്ചാണ് , കരിപ്പൂര് സ്വര്ണ്ണക്കടത്തില് പങ്കുണ്ട് , മലപ്പുറം എസ്.പിയുടെ ക്യാമ്പ് ഓഫീസിലെ മരം മുറിച്ച് ഫര്ണിച്ചറാക്കി, ഫ്ലാറ്റ് വില്പ്പനയിലൂടെ കളപ്പണം വെളുപ്പിച്ചു എന്നതടക്കം നിരവധി പരാതികളാണ് വിജിലന്സ് അന്വേഷിച്ചത്. എല്ലാ ആരോപണങ്ങളിലും എം.ആര് അജിത് കുമാറിന് ക്ലീന് ചീറ്റ് നല്കിയ റിപ്പോര്ട്ടാണ് വിജിലന്സ് ഡയറക്ടര്ക്ക് കൈമാറിയത്. വിജിലന്സ് തിരുവനന്തപുരം സ്പെഷ്യല് ഇന്വസ്റ്റിഗേഷന് യൂണിറ്റ് ഒന്നിലെ എസ്പിയാണ് അന്വേഷണം നടത്തിയത്. എന്നാല് ഈ റിപ്പോര്ട്ട് അംഗീകരിക്കാന് വിജിലന്സ് ഡയറക്ടര് യോഗേഷ് ഗുപ്ത തയ്യാറായില്ല. അന്വേഷണ റിപ്പോര്ട്ട് അവ്യക്തത ഉണ്ടെന്ന് ചൂണ്ടിക്കാട്ടി റിപ്പോര്ട്ട് മടക്കി അയക്കുകയായിരുന്നു.
About the Author
