ഇടുക്കി അടിമാലിയില് ഭാര്യയെ വെട്ടിപ്പരിക്കേല്പ്പിച്ച് ഭര്ത്താവ് ആത്മഹത്യ ചെയ്തു. ചാറ്റുപാറ സ്വദേശി ചിരമുഖം പത്രോസിനെയാണ് ആത്മഹത്യ ചെയ്തനിലയില് കണ്ടെത്തിയത്. കഴുത്തിനും തലയ്ക്കും വെട്ടേറ്റ സാറാമ്മ അടിമാലി താലൂക്ക് ആശുപത്രിയില് ചികിത്സയിലാണ്.
ഇന്ന് രാവിലെയാണ് സംഭവം നടന്നത്. ഇരുവരും തമ്മില് വഴക്കുണ്ടാകാറുണ്ടെന്ന് നാട്ടുകാര് പറയുന്നു. വീടിന് തൊട്ടടുത്ത സ്ഥാപനത്തിലാണ് പത്രോസും ഭാര്യയും ജോലി ചെയ്തിരുന്നത്. സമയമായിട്ടും ഇരുവരും ജോലിക്കെത്താത്തതിനെ തുടര്ന്ന് സ്ഥാപന ഉടമ അന്വേഷിച്ചെത്തിയപ്പോഴാണ് വീട്ടില് സാറാമ്മ വെട്ടേറ്റ നിലയിലും പത്രോസിനെ ആത്മഹത്യ ചെയ്ത നിലയിലും കണ്ടത്.
സാറാമ്മ മരിച്ചെന്ന് കരുതി പത്രോസ് ആത്മഹത്യ ചെയ്യുകയായിരുന്നുവെന്ന് പൊലീസ് പറയുന്നു. കുടുംബ കലഹമാണ് കൊലപാതകത്തിന് കാരണമെന്നാണ് പ്രാഥമിക നിഗമനം. സംഭവത്തില് അന്വേഷണം ആരംഭിച്ചതായി പൊലീസ് പറഞ്ഞു.
About the Author
