മംഗളൂരുവില് ആള്ക്കൂട്ട ആക്രമണത്തിനിരയായി കോട്ടക്കല് പറപ്പൂരിലെ അഷ്റഫ് കൊല്ലപ്പെട്ട കേസില് മൂന്ന് പ്രതികള്ക്ക് കൂടി ജാമ്യം. അഡീ. ജില്ലാ സെഷന്സ് കോടതിയാണ് ഇന്നലെ പ്രതികള്ക്ക് ജാമ്യം അനുവദിച്ചത്. സംഭവത്തില് സന്ദീപ് (14ാം പ്രതി), ദീക്ഷിത് (15ാം പ്രതി), സച്ചിന് (19ാം പ്രതി) എന്നിവര്ക്കാണ് ജാമ്യം അനുവദിച്ചത്.
ഏപ്രില് 27ന് കുഡുപ്പുവിലാണ് ആള്ക്കൂട്ടം യുവാവിനെ മര്ദിച്ച് കൊന്നത്. കഴിഞ്ഞ മാസം 31ന് ഇതേ കോടതി രാഹുലിനും കെ. സുശാന്തിനും ജാമ്യം അനുവദിച്ചിരുന്നു. വ്യാഴാഴ്ചത്തെ ഉത്തരവോടെ കേസില് മൊത്തം പ്രതികള്ക്കും ഇപ്പോള് ജാമ്യം ലഭിച്ചു.
Comments
About the Author
