പത്തനാപുരത്ത് കുഞ്ഞ് ജനിച്ചതിന്റെ ആഘോഷത്തിന് ലഹരി പാര്ട്ടി നടത്തിയ നാല് പേര് പിടിയില്. തിരുവനന്തപുരം കൊച്ചു കൊടുങ്ങല്ലൂര് സ്വദേശി വിപിന് (26), കുളത്തൂര് പുതുവല് മണക്കാട് സ്വദേശി വിവേക് (27), കാട്ടാക്കട പേയാട് സ്വദേശി കിരണ് ( 35 ), വഞ്ചിയൂര് സ്വദേശി ടെര്ബിന് ( 21 ) എന്നിവരാണ് എക്സൈസിന്റെ പിടിയിലായത്.
കിരണിന് കുഞ്ഞ് ജനിച്ചതിന്റെ ലഹരി പാര്ട്ടിയ്ക്കിടെയാണ് പ്രതികള് പിടിയിലായത്. പത്തനാപുരം എസ്എം അപ്പാര്ട്ട്മെന്റ് &ലോഡ്ജിലായിരുന്നു പ്രതികള് പാര്ട്ടി സംഘടിപ്പിച്ചത്. 460 mg എംഡിഎംഎ, 22gm കഞ്ചാവ്, 10സിറിഞ്ചുകള് എന്നിവ സംഭവസ്ഥലത്തുനിന്നും പിടിച്ചെടുത്തു.
എംഡിഎംഎ ഇന്ജെക്ട് ചെയ്യുന്നതിനുള്ള 10 സിറിഞ്ചുകള്, 23 സിപ് ലോക്ക് കവറുകള്, എംഡിഎംഎ തൂക്കുന്നതിനുള്ള ഡിജിറ്റല് ത്രാസ് എന്നിവയും കണ്ടെത്തി.
Comments
About the Author
