ആലപ്പുഴ: ചേര്ത്തലയിലെ ബിന്ദു പദ്മനാഭനെ കൊലപ്പെടുത്തിയ കേസില് പ്രതി സെബാസ്റ്റ്യന് കഴുത്തില് ഷാള് മുറുക്കിയെന്ന് തുറന്ന് പറഞ്ഞു. 2006-ല് സ്ഥലവില്പ്പനയില് നിന്ന് ഒന്നര ലക്ഷം രൂപ നല്കാന് വിസമ്മതിച്ചതാണ് കൊലപാതകത്തിന് കാരണം.
ബിന്ദുവിനെ സ്വന്തം വീട്ടില് വിളിച്ചുവരുത്തി ഷാള് കൊണ്ട് കഴുത്തില് മുറുക്കിയാണ് കൊലപാതകം ചെയ്തത്. മൃതദേഹം വീട്ടുവളപ്പില് കുഴിച്ചിട്ടു. മാസങ്ങള്ക്ക് ശേഷം അഴുകിയ മൃതദേഹം പുറത്തെടുത്തു അസ്ഥികള് കത്തിച്ച്, ശേഷിച്ചത് വേമ്പനാട്ട് കായലില് ഉപേക്ഷിച്ചുവെന്നുമാണ് സെബാസ്റ്റ്യന്റെ മൊഴി.
സംഭവത്തില് സെബാസ്റ്റ്യന്റെ കൂട്ടാളിയായിരുന്ന മനോജിനും പങ്കുണ്ടെന്ന് സംശയിക്കുന്നു. എന്നാല് പിന്നീട് നടന്ന മനോജിന്റെ ആത്മഹത്യയില് ദുരൂഹതയുണ്ടെന്നാണ് ക്രൈംബ്രാഞ്ചിന്റെ വിലയിരുത്തല്.
ക്രൈംബ്രാഞ്ചിന്റെ ചോദ്യം ചെയ്യലില് സെബാസ്റ്റ്യന് എല്ലാം തുറന്ന് സമ്മതിച്ചതോടെ, ഇയാള് സീരിയല് കില്ലറായിരിക്കാമെന്ന മുന്പത്തെ അന്വേഷണസംഘത്തിന്റെ സംശയവും വീണ്ടും ശക്തമായി.
About the Author
