അമേരിക്കയില് വിമാനത്തിന് തീപിടിച്ചു. ഡെന്വര് അന്താരാഷ്ട്ര വിമാനത്താവളത്തിലാണ് സംഭവം. ടെര്മിനല് സിയിലെ ഗേറ്റ് C38ന് സമീപത്തുവച്ചാണ് വിമാനത്തില് തീപടര്ന്നത്. ഇതോടെ യാത്രക്കാരെ വിന്ഡോ വഴി അടിയന്തരമായി പുറത്തിറക്കുകയായിരുന്നു. ആളപായമില്ല.
172 യാത്രക്കാരും ആറ് ക്രൂ അംഗങ്ങളുമാണ് വിമാനത്തിലുണ്ടായിരുന്നത്. പ്രദേശിക സമയം വൈകീട്ട് 6.15ഓടെയായിരുന്നു സംഭവം. മുഴുവന് പേരെയും വിമാനത്തില് നിന്ന് സുരക്ഷിതരായി പുറത്തിറക്കിയതായി അമേരിക്കന് എയര്ലൈന്സ് അറിയിച്ചു.
ഇന്ധന ചോര്ച്ചയുണ്ടാകുകയും ഇതിലേക്ക് തീ പടര്ന്നതുമാണ് അപകടത്തിന് കാരണമായതെന്ന് എയര്പോര്ട്ട് അധികൃതര് പറഞ്ഞു. സംഭവത്തിന്റെ ദൃശ്യങ്ങളും പുറത്തു വന്നിട്ടുണ്ട്.
Comments
About the Author
