സംസ്ഥാനത്ത് ശക്തമായ മഴ തുടരാന് സാധ്യത. വടക്കന് കേരളത്തില് ഇന്നും നാളെയും കൂടി ഒറ്റപ്പെട്ട അതിശക്തമായ മഴയ്ക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. എട്ട് ജില്ലകളില് മഴമുന്നറിയിപ്പ് നല്കി. കണ്ണൂര്, കാസര്ഗോഡ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കോഴിക്കോട്, വയനാട്, ആലപ്പുഴ, എറണാകുളം, തൃശൂര്, മലപ്പുറം ജില്ലകളില് യെല്ലോ മുന്നറിയിപ്പുണ്ട്.
കേരളതീരത്ത് ഉയര്ന്ന തിരമാലക്കും കടലാക്രമണത്തിനും സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് കാലാവസ്ഥ വകുപ്പ് മുന്നറിയിപ്പ് നല്കി. ശക്തമായ കാറ്റിനും മോശം കാലാവസ്ഥയ്ക്ക് സാധ്യതയുള്ളതിനാല് കേരള, കര്ണാടക, ലക്ഷദ്വീപ് തീരങ്ങളില് മീന്പിടുത്തത്തിന് ഏര്പ്പെടുത്തിയ വിലക്ക് തുടരും.
Comments
About the Author
