തൃശ്ശൂര് കരുവന്നൂര് കള്ളപ്പണ ഇടപാട് കേസില് എന്ഫോഴ്സ്മെന്റ് ഡയറക്ടറേറ്റ് അന്തിമ കുറ്റപത്രം കോടതിയില് സമര്പ്പിച്ചു. സിപിഎമ്മിനെയും തൃശ്ശൂര് ജില്ലയിലെ മൂന്ന് മുന് സിപിഎം ജില്ലാ സെക്രട്ടറിമാരെയടക്കം പ്രതികളാക്കിയാണ് കുറ്റപത്രം. അന്തിമ കുറ്റപത്രത്തില് പുതുതായി 27 പ്രതികള് കൂടി. ഇതോടെ മൊത്തം പ്രതികള് 83ആയി.
തട്ടിപ്പിലൂടെ പ്രതികള് 180 കോടി സമ്പാദിച്ചുവെന്ന് ഇ ഡി റിപ്പോര്ട്ടില് പറയുന്നു. പ്രതികളുടെ സ്വത്തുക്കളില് നിന്നും എന്ഫോഴ്സ്മെന്റ് ഡയറക്ടറേറ്റ് കണ്ടുകെട്ടിയത് 128 കോടി രൂപയാണെന്നും റിപ്പോര്ട്ടില് സൂചിപ്പിക്കുന്നുണ്ട്.
കേസില് എ സി മൊയ്തീന് എംഎല്എ, എംഎം വര്ഗീസ്, കെ രാധാകൃഷ്ണന് എംപി എന്നീ മുന് ജില്ലാ സെക്രട്ടറിമാരാണ് പ്രതികളായത്. സിപിഎം ഇരിങ്ങാലക്കുട ഏരിയാ സെക്രട്ടറിയായിരുന്ന കെ സി പ്രേമരാജനും പ്രതിയാണ്.
വടക്കാഞ്ചേരി നഗരസഭയിലെ സിപിഎം കൗണ്സിലര് മധു അമ്പലപുരമാണ് കേസിലെ ഒന്നാം പ്രതി. സിപിഎം പൊറത്തുശേരി നോര്ത്ത് ലോക്കല് കമ്മിറ്റി സെക്രട്ടറി എആര് പീതാംബരന്, പൊറത്തുശേരി സൗത്ത് ലോക്കല് കമ്മിറ്റി സെക്രട്ടറി എംബി രാജു എന്നിവരാണ് രാഷ്ട്രീയ പ്രവര്ത്തകരായ മറ്റ് പ്രതികള്.
About the Author
