ചെന്നൈ: ലഡുവിന് ടൊമാറ്റോ സോസ് നല്കാത്തതില് ഹോട്ടല് ജീവനക്കാര്ക്ക് മര്ദനം. തമിഴ്നാട്ടില് മലയാളികളായ റെസ്റ്റാറന്റ് ജീവനക്കാരെ മര്ദിച്ചതായി പരാതി. കടലൂര് ജില്ലയിലെ വൃദ്ധാചലത്തുള്ള ക്ലാസിക് കഫെ ജീവനക്കാര്ക്കാണ് മര്ദ്ദനമേറ്റത്. മലപ്പുറം തിരൂരങ്ങാടി സ്വദേശികളായ നിസാര്, താജുദ്ദീന്, വേങ്ങര സ്വദേശി സാജിദ് എന്നിവര്ക്കാണ് സംഭവത്തില് പരിക്കേറ്റത്. ഇരുമ്പു പൈപ്പും ചട്ടുകവും കൊണ്ടാണ് അക്രമികള് മര്ദിച്ചത്.
കഴിഞ്ഞ രാത്രിയാണ് സംഭവം. പ്രദേശത്തുള്ള മൂന്ന് യുവാക്കളാണ് ജീവനക്കാരെ മര്ദിച്ചത്. ലഡുവിന് സോസ് ഉപയോഗിക്കില്ലെന്ന് പറഞ്ഞതോടെ ജീവനക്കാരെ ആക്രമിക്കുകയായിരുന്നു. അതേസമയം യുവാക്കള് ലഹരി ഉപയോഗിച്ചതായി സംശയമുണ്ടെന്ന് ഹോട്ടല് ജീവനക്കാര് പറഞ്ഞു. ആക്രമണത്തിന്റെ സി.സി.ടി.വി ദൃശ്യങ്ങള് ഉള്പ്പെടെ പൊലീസിന് പരാതി നല്കിയിട്ടുണ്ട്.
തലയിലും മുഖത്തുമാണ് ഇരുവര്ക്കും മര്ദ്ദനമേറ്റത്. സംഭവത്തില് പൊലീസ് അന്വേഷണം ആരംഭിച്ചതയാണ് വിവരം.
About the Author
