ആസിഫ് അലിയുടെ പിറന്നാള് ദിനത്തില് പുത്തന് ചിത്രം ‘ആഭ്യന്തര കുറ്റവാളി’യുടെ ഫസ്റ്റ് ലുക്ക് പോസ്റ്റര് റിലീസ് ചെയ്തു. ആസിഫ് അലി നായകനായെത്തുന്ന ആഭ്യന്തര കുറ്റവാളി ഈദ് റിലീസായി തിയേറ്ററുകളിലേക്കെത്തും.
ചിത്രത്തിന്റെ കഥ- തിരക്കഥ- സംവിധാനം നിര്വഹിക്കുന്നത് സേതുനാഥ് പത്മകുമാര് ആണ്. നൈസാം സലാം പ്രൊഡക്ഷന്സിന്റെ ബാനറില് നൈസാം സലാമാണ് ചിത്രം നിര്മ്മിക്കുന്നത്. ഡ്രീം ബിഗ് ഫിലിംസാണ് ആഭ്യന്തര കുറ്റവാളിയുടെ ഓള് ഇന്ത്യാ വിതരണം നിര്വഹിക്കുന്നത്.
റിയലിസ്റ്റിക് കോമഡി ഫാമിലി എന്റര്ടെയിനര് ജോണറിലാണ് ‘ആഭ്യന്തരകുറ്റവാളി’ ഒരുങ്ങുന്നത്. പുതുമുഖ താരം തുളസിയാണ് ചിത്രത്തിലെ നായിക. ചിത്രത്തിലെ മറ്റു പ്രധാന കഥാപാത്രങ്ങളെ ജഗദീഷ്, ഹരിശ്രീ അശോകന്, സിദ്ധാര്ഥ് ഭരതന്, അസീസ് നെടുമങ്ങാട്, ജോജി,വിജയകുമാര്, ബാലചന്ദ്രന് ചുള്ളിക്കാട്, ആനന്ദ് മന്മഥന്, പ്രേം നാഥ്, ശ്രേയാ രുക്മിണി, നീരജാ രാജേന്ദ്രന്, റിനി ഉദയകുമാര്, ശ്രീജാ ദാസ് എന്നിവര് അവതരിപ്പിക്കുന്നു.
About the Author
