തിരുവനന്തപുരം കൂട്ടക്കൊലപാതക കേസില് പ്രതി അഫാന്റെ കസ്റ്റഡി കാലാവധി ഇന്നവസാനിക്കും. പാങ്ങോട് പോലീസിന്റെ കസ്റ്റഡി കാലാവധിയാണ് ഇന്ന് അവസാനിക്കുക. ഈ സാഹചര്യത്തില് പ്രതിയെ വൈകിട്ടോടെ നെടുമങ്ങാട് കോടതിയില് ഹാജരാക്കി റിമാന്ഡ് ചെയ്യും. തുടര്ന്ന് പിതൃ സഹോദരന്റെയും ഭാര്യയുടെയും കൊലപാതകത്തില് കിളിമാനൂര് പോലീസ് കസ്റ്റഡി അപേക്ഷ നല്കും
പെണ് സുഹൃത്തിന്റെയും അനുജന്റെയും കൊലപാതകത്തില് അവസാനമാകും വെഞ്ഞാറമൂട് പോലീസ് അഫാനെ കസ്റ്റഡിയില് വാങ്ങുക. തുടര്ന്നായിരിക്കും തെളിവെടുപ്പ് പൂര്ത്തിയാക്കുക. ഇന്നലെ പിതൃമാതാവ് സല്മാബീവിയുടെ വീട്ടിലും അഫാന്റെ സ്വന്തം വീട്ടിലും എത്തിച്ച് തെളിവെടുപ്പ് നടത്തിയിരുന്നു. കഴിഞ്ഞ ദിവസത്തെ തെളിവെടുപ്പില് കൊലപാതകങ്ങള് നടത്തിയത് എങ്ങനെയെന്ന് അഫാന് പൊലീസിനോട് വിവരിച്ചിരുന്നു. നിര്വികാരനായി മുഖത്ത് ഒരു ഭാവ വ്യത്യാസവുമില്ലാതെയാണ് അഫാന് കാര്യങ്ങള് വിവരിച്ചുകൊടുത്തത്.
ഫെബ്രുവരി 24 ന് ആയിരുന്നു വെഞ്ഞാറമൂട് കൂട്ടക്കൊലപാതകം നടന്നത്. പിതൃമാതാവ് സല്മാ ബീവി, പിതൃസഹോദരന് ലത്തീഫ്, ഭാര്യ ഷാഹിദ, സഹോദരന് അഫ്സാന്, പെണ്സുഹൃത്ത് ഫര്സാന എന്നിവരെയായിരുന്നു അഫാന് കൊലപ്പെടുത്തിയത്.
About the Author
