തിരുവനന്തപുരം കൂട്ടക്കൊലക്കേസ് പ്രതി അഫാനെ ഇന്ന് പാങ്ങോട് പൊലീസ് കസ്റ്റഡിയില് വാങ്ങും. മെഡിക്കല് കോളേജ് ആശുപത്രിയില് പ്രത്യേക സെല്ലില് ചികിത്സയില് കഴിഞ്ഞിരുന്ന അഫാനെ ചൊവ്വാഴ്ചയാണ് സെന്ട്രല് ജയിലിലേക്ക് മാറ്റിയത്. പ്രതിയെ കോടതിയില് എത്തിച്ചശേഷമാകും പൊലീസ് കസ്റ്റഡിയില് വാങ്ങുക. വിശദമായ ചോദ്യം ചെയ്യലിനുശേഷം വെള്ളിയാഴ്ച അഫാനെ തെളിവെടുപ്പിനായി എത്തിക്കുമെന്നാണ് സൂചന.
അതേസമയം, അഫാന്റേത് അസാധാരണ പെരുമാറ്റമാണെന്നാണ് പൊലീസിന്റേയും ഡോക്ടര്മാരുടേയും വിലയിരുത്തല്. ്. 24 മണിക്കൂറും നിരീക്ഷണത്തിനായി മൂന്ന് ഉദ്യോഗസ്ഥരെ നിയോഗിച്ച് കനത്ത സുരക്ഷയിലാണ് അഫാനെ ജയിലില് പാര്പ്പിച്ചിരിക്കുന്നത്.
ഫെബ്രുവരി 24-ന് ആയിരുന്നു തിരുവനന്തപുരം കൂട്ടക്കൊലപാതകം നടന്നത്. പിതൃമാതാവ് സല്മാ ബീവി, പിതൃസഹോദരന് ലത്തീഫ്, ഭാര്യ ഷാഹിദ, സഹോദരന് അഫ്സാന്, പെണ്സുഹൃത്ത് ഫര്സാന എന്നിവരെയായിരുന്നു അഫാന് കൊലപ്പെടുത്തിയത്. രാവിലെ പത്തിനും ആറിനുമിടയിലായിരുന്നു അഞ്ച് കൊലപാതകങ്ങള്.
About the Author
