പാലക്കാട് ചികിത്സാ പിഴവ്. പല്ലശ്ശന സ്വദേശിയായ ഒന്പത് വയസുകാരിയുടെ കൈ മുറിച്ചു മാറ്റേണ്ടി വന്നത് ചികിത്സാ പിഴവ് മൂലമെന്ന് ബന്ധുക്കളുടെ പരാതി. കളിക്കുന്നതിനിടെ വീണ് പരിക്കേറ്റ കുട്ടിക്ക് പാലക്കാട് ജില്ലാ ആശുപത്രിയില് വേണ്ടത്ര ചികില്സ ലഭിച്ചില്ലെന്നെന്നും കുടുംബം ആരോപിച്ചു.
കോഴിക്കോട് മെഡിക്കല് കോളജില് വെച്ചാണ് കുട്ടിയുടെ വലത് കൈ മുറിച്ചുമാറ്റിയത്. സംഭവത്തില് അന്വേഷണത്തിന് ഉത്തരവിട്ടുണ്ടെന്ന് പാലക്കാട് ഡിഎംഒ അറിയിച്ചു. വീഴച്ച കണ്ടെത്തിയാല് കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും പറഞ്ഞു.
കഴിഞ്ഞ സപ്തംബര് 24നാണ് സഹോദരനൊപ്പം കളിക്കുന്നതിനിടെ പെണ്കുട്ടിക്ക് വീണ് പരിക്കേറ്റത്. തുടര്ന്ന് ചിറ്റൂര് താലൂക്ക് ആശുപത്രിയില് കാണിച്ചെങ്കിലും ജില്ലാ ആശുപത്രിയിലേക്ക് റഫര് ചെയ്തു. ജില്ലാ ആശുപത്രിയില് നിന്നും എക്സ് റേ എടുത്ത് പ്ലാസ്റ്റര് ഇട്ട് വിട്ടയക്കുകയായിരുന്നു. തുടര്ന്ന് കോഴിക്കോട് മെഡിക്കല് കോളജ് ആശുപത്രിയിലെ ചികിത്സയിലാണ് കൈ മുറിച്ചു മാറ്റിയത്.
About the Author
