മലപ്പുറം തിരൂരങ്ങാടിയില് ഗൃഹോപകരണങ്ങള് പകുതി വിലയ്ക്ക് നല്കാമെന്ന് പറഞ്ഞ് പണം തട്ടിയ കേസില് ഒരാള് പൊലീസ് പിടിയിലായി. തൃശൂര് വടക്കാഞ്ചേരി സ്വദേശിയായ 56 കാരനായ അക്ബറാണ് അറസ്റ്റിലായത്. ഇലക്ട്രോണിക് ഉപകരണങ്ങളുടെ വില്പ്പനശാലയിലെ ജീവനക്കാരനാണെന്ന് പരിചയപ്പെടുത്തിയും വീടുകള് സന്ദര്ശിച്ചും ആകര്ഷകമായ ഓഫറുകള് വാഗ്ദാനം ചെയ്തുമാണ് ഇയാള് ഉപഭോക്താക്കളെ വലയിലാക്കിയത്. പകുതി വിലയ്ക്ക് സാധനങ്ങള് ലഭിക്കുമെന്ന് വിശ്വസിപ്പിച്ച് പണം വാങ്ങിയ ശേഷം ബന്ധം വിച്ഛേദിച്ച് മുങ്ങിക്കളയുകായിരുന്നു രീതി. നിരവധി പേര്ക്ക് സാമ്പത്തിക നഷ്ടം സംഭവിച്ചതായി പൊലീസിന് പരാതി ലഭിച്ചു. കക്കാട് സ്വദേശിയായ യുവതിയുടെ പരാതിയിലാണ് ഇപ്പോഴത്തെ നടപടി. അന്വേഷണത്തിനിടെ പൊലീസ് അക്ബറിനെ പിടികൂടി.
ഇത്തരത്തിലുള്ള തട്ടിപ്പുകളില് നിന്ന് ജാഗ്രത പുലര്ത്തണമെന്ന്, കൂടാതെ ഇരകളായവര് ഉടന് പൊലീസുമായി ബന്ധപ്പെടണമെന്നും അധികൃതര് മുന്നറിയിപ്പ് നല്കി.
About the Author
