സംസ്ഥാനത്ത് വീണ്ടും അതിതീവ്ര മഴ മുന്നറിയിപ്പ്. ചൊവ്വാഴ്ച മൂന്ന് ജില്ലകളില് റെഡ് അലേര്ട്ട് പ്രഖ്യാപിച്ച് കേന്ദ്ര കാലാവസ്ഥാ വകുപ്പ്. എറണാകുളം, ഇടുക്കി, തൃശ്ശൂര് ജില്ലകളിലാണ് നാളെ റെഡ് അലേര്ട്ട്. അഞ്ച് ജില്ലകളില് ഓറഞ്ച് അലേര്ട്ടും ആറ് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
തമിഴ്നാടിനും കേരളത്തിനും ഇടയില് രൂപംകൊണ്ട ചക്രവാതച്ചുഴിയാണ് മഴ ശക്തമാകാന് കാരണം. മഴക്കൊപ്പം ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കി. മണിക്കൂറില് 60 കി.മീ വരെ വേഗത്തില് കാറ്റ് വീശാന് സാധ്യതയെന്നാണ് അറിയിപ്പ്. നദീതീരങ്ങളില് താമസിക്കുന്നവരും മലയോര മേഖലകളിലുള്ളവരും ജാഗ്രത പാലിക്കണമെന്നും നിര്ദ്ദേശമുണ്ട്. ശക്തമായ തിരമാലകള്ക്ക് സാധ്യതയുള്ളതിനാല് തീരദേശവാസികള്ക്കും ജാഗ്രത മുന്നറിയിപ്പ് നല്കി
ഇന്ന് പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര് ജില്ലകളില് ഓറഞ്ച് അലേര്ട്ടും എട്ട് ജില്ലകളില് യെല്ലോ അലേര്ട്ടും നല്കിയിട്ടുണ്ട്.
About the Author
