ഹിന്ദി ഭാഷ നിര്ബന്ധമാക്കാനുള്ള തീരുമാനത്തില്നിന്നു പിന്മാറി മഹാരാഷ്ട്ര സര്ക്കാര്. ഇന്നലെ ചേര്ന്ന മന്ത്രിസഭായോഗത്തിലാണ് തീരുമാനം. ഒന്നു മുതല് അഞ്ച് വരെയുള്ള ക്ലാസുകളില് ഹിന്ദി നിര്ബന്ധമാക്കാനുള്ള നയത്തിനെതിരെ വ്യാപക പ്രതിഷേധം ഉയര്ന്നതോടെയാണ് സര്ക്കാര് തീരുമാനത്തില് നിന്നും പിന്നോട്ടുപോയത്.
മുഖ്യമന്ത്രി ദേവേന്ദ്ര ഫഡ്നവിസ്, ഒന്നുമുതല് 12 വരെയുള്ള ക്ലാസുകളില് ത്രിഭാഷാ നയം നടപ്പിലാക്കാനുള്ള ശുപാര്ശ ഉദ്ധവ് താക്കറെ സര്ക്കാരിന്റെ കാലത്ത് അംഗീകരിച്ചിരുന്നതാണെന്ന് പറഞ്ഞു. ഇംഗ്ലീഷിനും മറാഠിക്കും പുറമെ ഒന്നുമുതല് അഞ്ചുവരെയുള്ള ക്ലാസുകളില് ഹിന്ദി പഠനം കൂടി നിര്ബന്ധമാക്കി കഴിഞ്ഞ ഏപ്രില് 16നാണ് മഹാരാഷ്ട്ര സര്ക്കാര് തീരുമാനമെടുത്തത്.
മുഖ്യമന്ത്രി ദേവേന്ദ്ര ഫഡ്നാവിസ് സര്ക്കാര് മുമ്പ് പുറപ്പെടുവിച്ച രണ്ട് ഉത്തരവുകളും റദ്ദാക്കിയതായി പറഞ്ഞു. വിദ്യാഭ്യാസ വിദഗ്ധന് ഡോ. നരേന്ദ്ര ജാദവിന്റെ നേതൃത്വത്തില് രൂപം നല്കിയ കമ്മിറ്റി സമര്പ്പിക്കുന്ന റിപ്പോര്ട്ടിന്റെ അടിസ്ഥാനത്തില് ത്രിഭാഷാ നയം നടപ്പിലാക്കുന്നതിനെക്കുറിച്ച് സംസ്ഥാന സര്ക്കാര് അന്തിമ തീരുമാനം എടുക്കും.
About the Author
