വൈദ്യുതി ഇല്ലാത്തതിനെ തുടര്ന്ന് കൊല്ലം കുണ്ടറ താലൂക്ക് ആശുപത്രിയുടെ പ്രവര്ത്തനം മുടങ്ങി. ഗര്ഭിണികളെ ജില്ലാ ആശുപത്രിയിലേക്ക് മാറ്റി. വൈദ്യുതിയില്ലന്ന് താലൂക്ക് ആശുപത്രി സൂപ്രണ്ട് ബാബുലാല് പറഞ്ഞു. ജനറേറ്റര് കേടാണെന്നും ഡീസലുമില്ലെന്നും ബാബുലാല് വ്യക്തമാക്കി. വൈദ്യുതി എപ്പോള് വരുമെന്ന് അറിയില്ല അതുകൊണ്ട് മുന്കരുതല് എന്ന നിലയ്ക്ക് രണ്ടു ഗര്ഭിണികളെയാണ് ജില്ല ആശുപത്രിയിലേക്ക് മാറ്റിയത് എന്ന് അദ്ദേഹം വ്യക്തമാക്കി.
ഇന്നലെ തൊട്ട് കറണ്ട് ഇല്ലെന്ന് അവിടെയുണ്ടായിരുന്നവര് പറയുന്നു. നാല് മണിക്കും ആറുമണിക്കും വേദന വരാനുള്ള മരുന്ന് കൊടുത്തിരുന്നു. വൈദ്യുതി പ്രശ്നം ഉണ്ടായിരുന്നെങ്കില് ഈ മരുന്ന് കൊടുക്കണമായിരുന്നോ എന്നാണ് കൂട്ടിരിപ്പുക്കാരുടെ ചോദ്യം.
ഡീസലില്ല, വാങ്ങാന് ബ്ലോക്കില് നിന്ന് ഫണ്ട് അനുവദിച്ചു തന്നിട്ടില്ലെന്നാണ് സൂപ്രണ്ടിനോട് ചോദിച്ചപ്പോള് കിട്ടിയ മറുപടി.
About the Author
