ശക്തമായ മഴ തുടരുന്നതിനാല് സംസ്ഥാനത്ത് വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ (ചൊവ്വാഴ്ച) അവധി പ്രഖ്യാപിച്ചു. കണ്ണൂര്, കോട്ടയം, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി നല്കിയത്.
വയനാട്
ജില്ലയില് കനത്ത മഴ തുടരുന്ന സാഹചര്യത്തിലും കേന്ദ്ര കാലാവസ്ഥ നിരീക്ഷണ വകുപ്പ് നാളെ (മെയ് 27) റെഡ് അലര്ട്ട് പ്രഖ്യാപിച്ച സാഹചര്യത്തിലും ട്യൂഷന് സെന്ററുകള്, മദ്രസകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് ഡി.ആര് മേഘശ്രീ അവധി പ്രഖ്യാപിച്ചു. റസിഡന്ഷല് സ്കൂളുകള്ക്കും റസിഡന്ഷല് കോളേജുകള്ക്കും അവധി ബാധകമല്ല.
കണ്ണൂര്
ജില്ലയില് റെഡ് അലര്ട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ അംഗന്വാടികള്, മദ്രസകള്, ട്യൂഷന് സെന്ററുകള്, സ്പെഷല് ക്ലാസുകള് എന്നിവക്ക് ചൊവ്വാഴ്ച ജില്ല കലക്ടര് അവധി പ്രഖ്യാപിച്ചു. അംഗന്വാടി ജീവനക്കാര്ക്ക് അവധി ബാധകമല്ല
കോട്ടയം
ശക്തമായ മഴ തുടരുന്ന സാഹചര്യത്തിലും മഴ മുന്നറിയിപ്പുകള് നിലനില്ക്കുന്നതിനാലും ജില്ലയിലെ പ്രൊഫഷണല് കോളജുകള്, വിദ്യാഭ്യാസ സ്ഥാപനങ്ങള്, അംഗന്വാടികള്, അവധിക്കാല ക്ലാസുകള് നടത്തുന്ന വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്/സ്ഥാപനങ്ങള്, മതപാഠശാലകള് എന്നിവയ്ക്ക് 2025 മേയ് 27ന് കലക്ടര് അവധി പ്രഖ്യാപിച്ചു. മുന് നിശ്ചയിച്ച പരീക്ഷകള്ക്ക് അവധി ബാധകമല്ല.
About the Author
