പത്തനംതിട്ടയില് നീറ്റ് പരീക്ഷയില് ആള്മാറാട്ട ശ്രമം നടത്തിയ വിദ്യാര്ഥി പിടിയില്. വ്യാജ ഹാള്ടിക്കറ്റുമായി തിരുവനന്തപുരം സ്വദേശിയായ വിദ്യാര്ഥിയാണ് പിടിയിലായത്. ഇന്ന് ഉച്ചയോടെ പത്തനംതിട്ട തൈക്കാവ് വിഎച്ച്എസ്എസ് പരീക്ഷാ സെന്ററിലാണ് സംഭവം.
മറ്റൊരു വിദ്യാര്ഥിയുടെ പേരിലാണ് വ്യാജ ഹാള് ടിക്കറ്റ് നിര്മിച്ചത്. ഹാള്ടിക്കറ്റ് പരിശോധിക്കുന്നതിനിടെ എക്സാം സെന്റര് അധികൃതര് തട്ടിപ്പ് കണ്ടെത്തുകയായിരുന്നു. തുടര്ന്ന് പൊലീസിനെ വിവരമറിയിക്കുകയായിരുന്നു. പത്തനംതിട്ട പൊലീസെത്തി വിദ്യാര്ഥിയെ കസ്റ്റഡിയിലെടുത്തു. വിദ്യാര്ഥിയെ ചോദ്യം ചെയ്തുവരികയാണ്.
സംഭവവുമായി ഹാള്ടിക്കറ്റില് പേരുണ്ടായിരുന്ന വിദ്യാര്ഥിക്ക് ബന്ധമുണ്ടോയെന്നും സെന്ററിലുള്ള ആരുടെയെങ്കിലും സഹായം ലഭിച്ചിട്ടുണ്ടോ എന്നും പൊലീസ് പരിശോധിക്കും.
Comments
About the Author
