തിരുവനന്തപുരത്ത് പതിനൊന്നുകാരിയെ പീഡിപ്പിക്കാന് ഒത്താശ ചെയ്ത അമ്മയ്ക്കെതിരെ പോക്സോ കേസെടുത്തു. തിരുവനന്തപുരം അയിരൂര് പാറ സ്വദേശിനിക്കെതിരെയാണ് കേസ്.
ആണ്സുഹൃത്തിന്റെ മുറിയിലേക്ക് അമ്മ മകളെ നിര്ബന്ധപൂര്വം പറഞ്ഞയച്ചെന്ന് എഫ്ഐആറില് പറയുന്നു. പെണ്കുട്ടിയെ പീഡിപ്പിച്ചതിന് അമ്മയുടെ ആണ്സുഹൃത്തിനെതിരെയും കേസെടുത്തിട്ടുണ്ട്.
ഫ്ലാറ്റില് പെണ്കുട്ടിയുടെ പിതാവ് ഇല്ലാതിരുന്ന ദിവസം രാത്രിയാണ് സംഭവം നടന്നത്. ക്രൂരമായ പീഡനത്തിന് ഇരയായെന്ന് പെണ്കുട്ടി കൗണ്സിലിങ്ങിനിടെ വെളിപ്പെടുത്തുകയായിരുന്നു.
പെണ്കുട്ടിയുടെ അമ്മയ്ക്കും ആണ്സുഹൃത്തിനുമെതിരെ വഞ്ചിയൂര് പൊലീസാണ് എഫ്ഐആര് രജിസ്റ്റര് ചെയ്തത്. അതേസമയം സംഭവം നടന്നത് പോത്തന്കോട് പൊലീസിന്റെ പരിധിയില് ആയതിനാല് കേസ് അവിടേക്ക് കൈമാറും.
Comments
About the Author
