ഇന്ത്യ ഉള്പ്പെടെ 60 രാജ്യങ്ങള്ക്കെതിരെയുള്ള അമേരിക്ക പ്രക്യാപിച്ച പകരച്ചുങ്കം ഇന്ന് മുതല് പ്രാബല്യത്തില്. ഇന്ത്യയ്ക്ക് 26 ശതമാനം ആണ് തീരുവ. വിഷയത്തില് 70 രാജ്യങ്ങള് ചര്ച്ചയ്ക്ക് തയാറായെന്ന് വൈറ്റ് ഹൗസ് അറിയിച്ചു.
യുഎസ് പ്രഖ്യാപിച്ച 34 ശതമാനം തീരുവകള്ക്കെതിരെ ചൈന പ്രതികാര നടപടികള് എടുത്തതിനെ തുടര്ന്ന് 104 ശതമാനം അധിക തീരുവയാണ്ഏര്പ്പെടുത്തിയത്. എന്നാല് അമേരിക്കയുടെ വ്യാപാരരംഗത്തെ ഭീഷണി ചെറുക്കാന് സജ്ജമാണെന്നാണ് ചൈനയുടെപ്രത പ്രതികരണം. അമേരിക്കയുടെ പുരോഗതിക്ക് തന്റെ തീരുവ പ്രഖ്യാപനം മുതല്ക്കൂട്ടാണെന്ന് ട്രംപ് പ്രതികരിച്ചു. ചുങ്കം ലോകരാജ്യങ്ങള് തമ്മിലുള്ള സമ്പൂര്ണ വ്യാപാരയുദ്ധമായി മാറുമെന്നാണ് വിലയിരത്തല്.
ഡിസ്കൗണ്ട് തീരുവ എന്നു പറഞ്ഞായിരുന്നു ഇന്ത്യക്ക് മേലുള്ള നികുതി പ്രഖ്യാപിച്ചത്. പകരച്ചുങ്കം പ്രഖ്യാപിച്ചതിന് പിന്നാലെ ഓഹരികളിലും വന് ഇടിവാണ് രേഖപ്പെടുത്തിയത്.അമേരിക്കന് ഉത്പന്നങ്ങള്ക്ക് ശരാശരി 9.5 ശതമാനം തീരുവയാണ് ഇന്ത്യ ഈടാക്കുന്നത്. ഇന്ത്യന് ഉത്പന്നങ്ങള്ക്ക് അമേരിക്കയില് ശരാശരി മൂന്ന് ശതമാനമാണ് തീരുവ. കഴിഞ്ഞ ദിവസവും പകര തീരുവ പ്രഖ്യാപനം അമേരിക്കന് വിപണിക്ക് വന്തിരിച്ചടിയായിരുന്നു. ട്രംപിന്റെ തീരുവ യുദ്ധ പ്രഖ്യാപനത്തെ തുടര്ന്ന് അമേരിക്കന് ഓഹരി വിപണിയില് വന് ഇടിവാണ് രേഖപ്പെടുത്തുന്നത്. ഡൗ ജോണ്സ് സൂചിക 1200 പോയിന്റ് താഴേക്ക് പതിച്ചു. നാസ്ഡാക്. എസ് ആന്ഡ് പി 500 സൂചികകള്ക്ക് നാലര ശതമാനത്തിന്റെ ഇടിവും രേഖപ്പെടുത്തി. ആപ്പിളിന്റെ വിപണി മൂല്യത്തിലും വന് ഇടിവ് രേഖപ്പെടുത്തി. കോവിഡിന് ശേഷം കഴിഞ്ഞ അഞ്ചു വര്ഷത്തെ ഏറ്റവും വലിയ പതനമായിരുന്നു ഇത്.
About the Author
