സംസ്ഥാനത്ത് നാളെ വരെ ചൂട് ഉയരുമെന്ന് മുന്നറിയിപ്പ്. തിരുവനന്തപുരം, വയനാട്, ഇടുക്കി ഒഴികെയുള്ള ജില്ലകളില് നാളെ വരെ യെല്ലോ അലര്ട്ട് പ്രഖ്യാപിച്ചു. തൃശൂര്, പാലക്കാട് ജില്ലകളില് 38°c വരെ താപനില ഉയരും. കൊല്ലം, പത്തനംതിട്ട, കോട്ടയം, എറണാകുളം, മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളില് താപനില 37°C വരെയും ഉയരും. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
സംസ്ഥാനത്ത് കൊടും ചൂട് തുടരുന്നതിനിടെ സൂര്യരശ്മികളില് നിന്നുള്ള അള്ട്രാവലയറ്റ് കിരണങ്ങളുടെ തോത് അപകടകരമായ നിലയിലെത്തിയെന്നും മുന്നറിയിപ്പുണ്ട്. ഈ സാഹചര്യത്തില് സൂര്യ രശ്മികളെ നേരിട്ട് ഭൂമിയില് പതിക്കുന്ന രാവിലെ 10നും മൂന്നിനും ഇടയില് വെയില് കൊള്ളുന്നത് ഒഴിവാക്കണമെന്നും കാലാവസ്ഥ വകുപ്പ് അറിയിപ്പില് പറയുന്നു.
Comments
About the Author
