തിരുവനന്തപുരം കൂട്ടക്കൊലക്കേസില് പ്രതി അഫാന്റെ അറസ്റ്റ് പൊലീസ് രേഖപ്പെടുത്തി. പാങ്ങോട് പൊലീസ് മെഡിക്കല് കോളജിലെത്തിയാണ് അറസ്റ്റ് രേഖപ്പെടുത്തിയത്. പ്രതിയുമായി നെടുമങ്ങാട് കോടതിയിലേക്ക് പോയേകും. പിതൃമാതാവ് സല്മാ ബീവിയെ കൊലപ്പെടുത്തിയ കേസിലാണ് അറസ്റ്റ്. കടം നല്കിയവര് വീട്ടിലെത്തി പ്രശ്നമുണ്ടാക്കിയിരുന്നോ എന്നന്വേഷിക്കാനും മൊഴി രേഖപ്പെടുത്താനും അന്വേഷണ സംഘം നീക്കമാരംഭിച്ചു.
അഫാന്റെ മാതാവ് ഷെമിയുടെ മൊഴി ഇന്നെടുക്കും. ഇവരുടെ ആരോഗ്യനിലയില് പുരോഗതിയുണ്ടെന്ന് സ്വകാര്യ മെഡിക്കല് കോളജിലെ ഡോക്ടര്മാര് പൊലീസിനെ അറിയിച്ചിട്ടുണ്ട്. മറ്റ് ആരോഗ്യ പ്രശ്നങ്ങള് ഇല്ലെങ്കില് ഇന്ന് ഉച്ചയോടെ മൊഴി രേഖപ്പെടുത്തും. പേരതിയുടെ ഫോണിലെ ശാസ്ത്രീയ പരിശോധന ഫലമടക്കം പൊലീസ് കാത്തിരിക്കുകയാണ്.
Comments
About the Author
