പതിനഞ്ചാം കേരള നിയമസഭയുടെ പതിമൂന്നാം സമ്മേളനം ഗവര്ണറുടെ നയപ്രഖ്യാപന പ്രസംഗത്തോടെ ഇന്ന് തുടങ്ങും. ഇന്നു മുതല് മാര്ച്ച് 28 വരെ 27 ദിവസമാണ് സഭ ചേരുന്നത്. ജനുവരി 20, 21, 22 തീയതികളില് നയ പ്രഖ്യാപന പ്രസംഗത്തിന് നന്ദി രേഖപ്പെടുത്തുന്ന ചര്ച്ചയും ഫെബ്രുവരി ഏഴിന് ഈ വര്ഷത്തെ ബജറ്റ് അവതരണവും നടക്കും.
വയനാട് ദുരന്തത്തില് സഹായം നല്കാത്ത കേന്ദ്ര നിലപാട് അടക്കമുള്ളവയ്ക്കെതിരായ വിമര്ശനങ്ങള്, സര്വകലാശാലകളില് ചാന്സിലര്മാര്ക്ക് കൂടുതല് അധികാരം നല്കുന്ന യുജിസിയുടെ മാര്ഗം നിര്ദേശം തുടങ്ങിയവ നയ പ്രഖ്യാപന പ്രസംഗത്തില് ഉണ്ടെന്നാണ് സൂചന. കേരള നിയമസഭയിലെ പുതിയ ഗവര്ണര് രാജേന്ദ്ര വിശ്വനാഥ് അര്ലേക്കറുടെ ആദ്യ നയപ്രഖ്യാപന പ്രസംഗമാണ് ഇന്ന് നടക്കുന്നത്.
പി വി അന്വറിന്റെ രാജി, പെരിയ കേസ് വിധി,വന നിയമ ഭേദഗതിയില് സര്ക്കാരിന്റെ പിന്മാറ്റം, വയനാട് ഡിസിസി ട്രഷറര് എന് എം വിജയന്റെ ആത്മഹത്യ , ബ്രൂവറി അനുവദിക്കല് തുടങ്ങിയവ സഭയില് ചര്ച്ചയ്ക്ക് വരും.
About the Author
