തിരുവനന്തപുരം: ദേശാഭിമാനി വാരാന്തപതിപ്പില് അവസാനനിമിഷം ഒഴിവാക്കേണ്ടി വന്ന ‘കള്ളന് വിജയന്’ ലേഖന വിവാദത്തില് എഡിറ്റര്ക്കെതിരെ നടപടിയുമായി മാനേജ്മെന്റ്. വാരാന്തപ്പതിപ്പ് എഡിറ്ററുടെ ചുമതലയില് നിന്ന് കെ.ആര് അജയനെ മാറ്റി. ടി.ചന്ദ്രമോഹന് പകരം ചുമതല നല്കി. അജയനോട് കഴിഞ്ഞദിവസം റസിഡന്റ് എഡിറ്റര് എം.സ്വരാജ് വിശദീകരണം തേടിയിരുന്നു. തലക്കെട്ട് മാറ്റാന് ആവശ്യപ്പെട്ടിട്ടും തയാറാകാതെ മാധ്യമങ്ങള്ക്ക് വിവരം ചോര്ത്തിയെന്ന് കാണിച്ചായിരുന്നു കാരണം കാണിക്കല് നോട്ടീസ്.
ലേഖകന് എഴുതി നല്കിയ ‘കള്ളന് വിജയന്’ എന്ന പേരിലുള്ള ലേഖനം തലക്കെട്ട് മാറ്റുക പോലും ചെയ്യാതെ അച്ചടിക്കാനായി പ്രസിലേക്ക് വിട്ടു, ദേശാഭിമാനിയിലെ തര്ക്കം പുറത്തറിയിച്ച് വിവാദമാക്കി എന്നീ കാര്യങ്ങളും നോട്ടീസില് അജയനെതിരെ ആരോപിച്ചിരുന്നു. സംഭവത്തില് തിങ്കളാഴ്ച്ച വൈകിട്ട് നാലുമണിക്ക് മുമ്പായി കാരണം വിശദീകരിക്കണമെന്നായിരുന്നു നോട്ടീസിലെ ആവശ്യം. ‘കള്ളന് വിജയന്’ എന്ന തലക്കെട്ട് പാര്ട്ടി വിരുദ്ധമല്ലെന്ന മറുപടിയാണ് വാരാന്തപ്പതിപ്പ് എഡിറ്റര് കെ.ആര് അജയന് നല്കിയത്. ഇതേതുടര്ന്നാണ് ഇദ്ദേഹത്തെ ചുമതലയില് നിന്ന് മാറ്റിയതെന്നാണ് സൂചന.
About the Author
