തിരുവനന്തപുരം: സംസ്ഥാനത്ത് വേനല്ക്കാലം രൂക്ഷമായതിന് പിന്നാലെ തൊഴിലാളികളുടെ തൊഴില് സമയം ക്രമീകരിച്ചു. പകല് താപനില ക്രമാതീതമായി ഉയരുന്ന സാഹചര്യത്തില് വെയിലത്ത് പണിയെടുക്കുന്ന തൊഴിലാളികള്ക്ക് സൂര്യാഘാതം ഏല്ക്കുന്നതിനുള്ള സാഹചര്യമുള്പ്പെടെ ചൂണ്ടിക്കാട്ടിയാണ് നടപടി. ഫെബ്രുവരി 12 മുതല് മെയ് 20 വരെയാണ് ക്രമീകരണം.
ഉത്തരവിന്റെ അടിസ്ഥാനത്തില് വിവിധ തൊഴില് മേഖലകളില് നടത്തുന്ന പരിശോധനകളോടൊപ്പം കണ്സ്ട്രക്ഷന് സൈറ്റുകള്ക്കും റോഡ് നിര്മ്മാണ മേഖലയ്ക്കും പ്രത്യേകം പരിഗണന നല്കിക്കൊണ്ട് ദൈനംദിന പരിശോധന എല്ലാ ജില്ലകളിലും ജില്ലാ ലേബര് ഓഫീസര് / ഡെപ്യൂട്ടി ലേബര് ഓഫീസര് / അസിസ്റ്റന്റ് ലേബര് ഓഫീസര് ഗ്രേഡ്-1 എന്നിവരുടെ നേതൃത്വത്തില് മൂന്നു ടീമുകള് രൂപീകരിക്കും. ഈ ടീമുകള് ബന്ധപ്പെട്ട മേഖലകളില് എല്ലാ ദിവസവും പരിശോധന നടത്തുമെന്നും ലേബര് കമ്മിഷണറുടെ ഉത്തരവില് പറയുന്നു.
പകല് സമയം വെയിലത്ത് ജോലി ചെയ്യുന്ന എല്ലാ തൊഴിലാളികള്ക്കും ഉച്ചയ്ക്ക് 12.00 മണി മുതല് ഉച്ചതിരിഞ്ഞ് 3.00 മണി വരെ വിശ്രമവേളയായിരിക്കും. ഇവരുടെ ജോലി സമയം രാവിലെ 7.00 മണി മുതല് വൈകുന്നേരം 7.00 മണി വരെയുള്ള സമയത്തിനുള്ളില് 8 മണിക്കൂറായി നിജപ്പെടുത്തുന്നു. ഷിഫ്റ്റ് വ്യവസ്ഥയില് ജോലി ചെയ്യുന്ന തൊഴിലാളികള്ക്ക് രാവിലത്തെ ഷിഫ്റ്റ് ഉച്ചയ്ക്ക് 12.00 മണിക്ക് അവസാനിക്കുന്ന തരത്തിലും ഉച്ചയ്ക്ക് ശേഷമുള്ള ഷിഫ്റ്റ് വൈകുന്നേരം 3.00 മണിക്ക് ആരംഭിക്കുന്ന തരത്തിലും പുനക്രമീകരിക്കുന്നു.
About the Author
